Baddý vinkona mín fékk nýlega myndavél að gjöf frá ástmanni sínum. Það er verra að hún er viðbeinsbrotin og getur því ekki loftað myndavélinni í bili. Ég finn það á mér að um leið og brotið grær þá verður sko farið í ófáa ljósmyndaleiðangra. Við vorum mjög öflugar á því sviði síðastliðið sumar þrátt fyrir að eiga þá bara partýmyndavélar. Núna þegar við eigum báðar betri græjur þá er bara að fínpússa hæfileikana. Ég er byrjuð að hita upp og nýtti tækifærið á meðan minn heittelskaði horfði á körfuboltaleik og tók myndir af því litla lífi sem eftir var í blómavendi sem mér var gefinn um páskana.

…..og svo gerði ég líka flickr síðu, loksins! Var orðin alveg skelfilega útundan í því…allir með svoleiðis nema ég, þangaðtil núna!